Sámiid Valáštallan Lihttu - Norga - Historjá

Ruoŧabealde álggahuvvojedje sámi gilvvohallamat jo 1946:s, skuvllaid gaskasaš gilvvuiguin. Jurdda riegádii ja Ruoŧa Sámi Valáštallanlihttu (SSIF) vuođđuduvvui 1948:s.

1950:s lágiduvvojedje vuosttaš stuorra sámi gilvvut Vilhelminas. Dát lihkostuvai hui bures, lei stuorra álbmotdeaivvadeapmi gos eanet go1000 geahčči čuvvo gilvvuid.

SVL - Sámiid Valáštallanlihttu ásahuvvui 1979:s. Dán sámi ovttastumis ledje mielde sihke Ruoŧa, Suoma ja Norgga searvvit, geat galge ovddidišgoahtit sierralágán valáštallamiid sápmelaččaid várás. Ii doaibman nu og jurddašuvvon, lei lossat ja váttis jođihit dán barggu golmma riika sápmelaččaid várás.

1990:s rievdaduvvui danne SVL:a organiseren vuohki ja ođđa davviriikalaš valáštallanlihttu SVL ? SRF ( Sámiid Valá?tallanlihttu ? Samenes Riksidrettsforbund) vuođđuduvvui ja maiddái golbma sierra guovllulihttu ásahuvvojedje, nammalassii Ruoŧa, Suoma ja Norgga guovllulihtut.

Buot guovllulihtuin leat 2 áirasa SVL stivrras. Lihttuid bajimuš orgána lea Sámiid Valáštallandiggi, mii lágiduvvo juohke goalmmát jagi.

Spábbačiekčan ásahii sierra spábbačiekčanlihttu, SSL , jagi 2003:s.

23.05.2007
Webveahkki
Untitled Document