Árktalaš dálveriemut AWG 2018 oassálastit – Kanádas
Norgga, Ruoŧa ja Suoma AWG stivra lea dál mearridan oassálastiid geat galget ovddastit team Sápmi, AWG doaluin mat lágiduvvojit njukčamánu 18.-24.b 2018 Nordvestterritorias Kanádas. Leat 23 čuoigi, 9 futsalčiekči ja 2 kulturovddasteaddji. Futsalčiekčamat leat Hay River:s ja čuoigan lea Forth Smith:s. Geahča mildosa mas leat eambbo dieđut.
 
Dá leat čuoigit ja jođiheaddjit geat galget AWG:i
 

Dá leat futsalčiekčit, hárjeheaddji ja kulturovddasteaddjit

 
 

Árktalaš dálveriemut (AWG) lea valáštallan – ja kulturlágideapmi nuoraide árktalaš guovlluin miehtá máilmmi. AWG lágiduvvo juohke nuppi jagi ja dát doalut Hay River:s ja Fort Smith:s leat 25.doalut. Hay Riveris orrot sullii 3600 olbmo ja Fort Smith:s 2500 olbmo. Árktalaš dálveriemut gal bohtet oidnot ja dovdot dain gávpogiin. 9 árktalaš guovlluin servet 1700 nuora. Dasa lassin bohtet 100 kulturovddasteaddji, 100 journalistta ja 2000 eaktodáhtolaš bargi. Lea maid gulustuvvan ahte Kanáda stáhtaministtar Justin Trudeau fitná riemuin.

 

 

 

Team Sápmi várra vuolgá njukčamánu 15. beaivvi Kanádai ja jorggihit fas ruovttuguvlui njukčamánu 25. beaivvi.

 

 

 

Dát guovllut oassálastet gilvvuin:

 
    • Alaska (USA)
    • Kalaallit Nuunat (Danmárk)
    • Northern Alberta (Kanáda)
    • Northwest Territories (Kanáda)
    • Nunavik (Kanáda)
    • Nunavut (Kanáda)
    • Sápmi (Norga, Ruoŧŧa, Suopma)
    • amalo-Nenets (Ruošša)
    • Yukon (Kanáda)

Sámi nuorat ja jođiheaddjit Norggas, Ruoŧas ja Suomas oassálaste vuosttaš geardde AWG gilvvuin 2004:s.

 

 

 

Jurddašat go don moht don sáhtát AWG gilvvuide iežat kvalifiseret? De sáhtát lohkat eambbo dás.

 



14.12.2017
Charles Petterson
Untitled Document